Солтүстік кеңес қандай ұйым?

Солтүстік мемлекеттердің министрлер кеңесі дегенді естіп едім. Ол қандай кеңес? Қай құрлықтың солтүстік мемлекеттері мүше?
Марат ОРМАНБАЙ, Алматы
Солтүстік кеңес немесе солтүстік мемлекеттердің министрлер кеңесі – Солтүстік Еуропа мемлекеттерінің пар­ламенттері мен үкіметтері ара­сын­дағы ынтымақтастықты нығайту үшін құрылған ұйым. Оған Дания, Ис­ландия, Норвегия, Финляндия және Шве­ция мемлекеттері мүше. Солтүстік ке­ңестің территориясына сонымен қатар Аланд аралдары, Гренландия жә­не Фарьер аралдары кіреді. Орта­лы­ғы Дания астанасы Копенгагенде қо­ныс тепкен аталған ұйымның Эс­то­ния, Латвия, Литва елдерінде ақп­а­рат­тық кеңселері жұмыс істейді. Со­нымен қатар ақпараттық орталықтары Ре­сейдің Санкт-Петербор және Ка­ли­нин­град қалаларында қызмет ат­қа­рады. Солтүстік кеңес жыл сайын әде­биет, музыка, қоршаған ортаны қор­­ғау және кинематография са­ла­ла­ры бойынша марапаттар үлестіреді.