Скутер жүргізушісіне қойылатын талаптар қандай?

Мен скутер жүргіземін. Скутер жүргізушісіне қойылатын талаптар туралы айтсаңыздар екен.
Аслан, Алматы қаласы
Жол қозғалысы ережесінде скутер деген түсінік жоқ. Сондықтан да егер екі дөңгелекті көліктің қозғаушы күші – 50 текше метрден, қозғалыс жыл­дам­ды­ғы сағатына 50 шақырымнан аз бол­са, ондай көлік мопедпен теңес­ті­рі­леді.
Мопед жүргізушілеріне төмен­де­гі­дей талаптар қойылады:
– мопедпен жүруге жасы 16-дан кем емес адамдарға рұқсат етiледi;
– мопед жүргізушісі мотошлем киюі тиіс;
– мопедтер, егер бұл жаяу жүр­гiн­шiлерге кедергi келтiрмейтiн болса, оң жақ шеткi жол жолағымен, мүм­кiн­дi­гiн­ше оңға таман бiр қатармен қоз­ғалуы тиiс;
– рульден ұстамай жүруге тыйым са­лынады;
– сенiмдi аяқ тiрегiшпен жаб­дық­талған қосымша орындықта жеті жас­қа дейiнгi баладан басқа жола­у­шы­ларды тасымалдауға рұқсат етіл­мейді;
– көлемiнiң ұзындығынан немесе енiнен 0,5 м артық шығып тұратын жүктердi немесе басқаруға кедергi келтiретiн жүктердi тасымалдауға болмайды;
– трамвай қозғалысы бар және осы бағытқа қозғалу үшiн бiр жол жолағынан артық болғанда солға бұ­рылуға немесе керi бұрылуға тыйым салынады;
– мопедпен өзге көліктерді сүйре­ту­ге тыйым салынады;
– велосипед жолының көше қиы­лысынан тыс орналасқан, рет­тел­мейтiн өтпесiнде велосипед пен мо­педтердiң жүргiзушiлерi осы жолмен қоз­ғалып келе жатқан көлiк құрал­да­рына жол беруi тиiс.