Шетелден турист шақырсам деп едім

Қазақстанның елшілігі жоқ елдерден азаматтарды қонаққа шақыру үшін не істеу керек? Ол азаматтар қандай жолмен елімізге келе алады?
Алмас Қайыров, Астана қаласы
ҚР Сыртқы істер министрлігі ма­ман­­дарының мәліметінше, егер сіз Қа­зақстанның елшілігі не консул­ды­ғы жоқ елдерден азаматты қонаққа ша­қырар болсаңыз, еліміздегі турис­тік ұйымдардан шетелдік туристі қа­был­дау туралы мақұлдама алуы­ңыз қажет. Оны ҚР аумағында туризм операторы, туристік агент немесе ту­ризм бойынша инструктор қызметін жү­р­гізуге лицензиясы бар ұйым ғана бе­ре алады. Сонымен бірге ҚР Сырт­қы істер министрлігінің визалық қол­дауы болуы қажет. Осы құжаттар­дың негізінде шетелдікке туристік виза бе­­ріледі. Қазақстанның елшілігі жоқ мем­­лекет азаматтары елімізбен ди­пло­матиялық байланыс орнатқан ел­­дерге барып, елшіліктер мен кон­сул­дықтарға хабарласа алады.