Семсердің неше түрі бар?

Семсерлесу спортында семсердің қанша түрі бар? Және семсерлесу барысында ұпай беру қалай анықталатындығын білгім келеді.
Ақтоты Бейсеналиева, Қарағанды қаласы
Барлығын ретімен бастасақ. Семсер­лесу спортында семсердің бес түрі болады. Дегенмен оның ішінде кеңінен пайдаланатыны, әрі жақсы дамығандары: рапира, шпага (сапы) және қылыш. Ал карабин және таяқпен семсерлесу қазіргі кезде аса үлкен беделге ие емес. Айта кетейік, карабинмен сайысу – семсерлесудің кеңестік кезеңнен қалған сарқыты. Енді екінші сұрағыңызға көшсек. Сем­сершілер өзара сайысқанда үсті­не арнайы қорғаныс киімін ки­іп шығады. Ол киімнің басқа жейде­лерден ерекшелігі – онда кішкентай электр шамдары орналасады. Қар­сыласының соққысы тура тигенде әлгі шамдар бірден белгі беріп, төреші ұпай санын соған қарап анықтайды. Айта кетейік, семсерлесу алаңының ені – 1,5-2 метр, ал ұзындығы – 14 метр болуы керек.