Секуляризация – дін билігінен бас тарту
Мемлекет пен дінге қатысты секуляризация деген термин жиі қолданылады. Бұл ұғымның зайырлылық дегеннен қандай айырмашылығы бар?
Берік Болатұлы, Семей қаласы
Әлемдегі көптеген мемлекеттерде дін саясаттан алшақтатылған. Бұндай елдерді зайырлы мемлекет деп атайды. Мысалы, Қазақстан Республикасының Конституциясында да еліміздің зайырлы екенін растайтын бап қарастырылған. Ал секуляризация терминінің мән-мағынасы осы зайырлы дегенге жақын. Секуляризация, негізінен, орта ғасырларда Еуропада жүргізілді. Яғни биліктің барлық тармағын уысында ұстаған шіркеулерден билік ресурстары тартып алынды. Қоғам мүшелерінің санасына қатып қалған діни таным түсініктерді жұмсарту жұмыстары жүргізілді. Осылайша билік уақыт өте келе шіркеулерден ажыратылды. Міне, осы үрдісті секуляризация деп атайды. Секуляризация үрдісі қазір де жүргізілуде. Әлемдегі дәстүрлі мемлекеттер ғылыми-техникалық төңкерістер нәтижесінде осы үрдісті қазір де басынан өткеруде.
