Шекарадан өту үшін қандай құжаттар қажет?

Қазақ-қырғыз мемлекеттік шекарасын кесіп өту үшін қандай құжаттар талап етіледі?
Жансерік Тілеубеков, Алматы облысы
ҚР ҰҚК Шекара қызметі маман­дарының мәліметінше, ҚР Үкіметі мен Қырғыз Республикасы үкіметі ара­сында бекітілген «Қазақстан Рес­публикасы азаматтарының Қырғыз Республикасы аумағында және Қырғыз Республикасы аза­маттарының Қазақстан аумағында болу тәртібі туралы келісімнің» 4-бабына сәйкес, екі ел аза­маттарынан мемлекеттік шек­арадан өту үшін жеке басты куә­ландыратын құжаттар талап еті­леді. Олар: жеке куәлік немесе төлқұжат, 16-ға толмаған бала­лардың туу туралы куәлігі, фото­суреті және егер ата-анасы қа­сында болмаса, шекарадан өту себебін түсіндіретін анықтама. Сонымен бірге, қызметтік сапарлар кезінде дипломатиялық, қызметтік куәліктер де талап етіледі.