Сары безгекке қарсы вакцина жасала ма?

Алматыда сары безгек ауруына қарсы вакцина жасала ма? Африка елдеріне жиі сапар шегетін адамдар бұл ауруға қарсы міндетті түрде егілуі керек пе?
Ләйла, Алматы қаласы
Мамандардың айтуынша, Алматы қаласының медицина мекемелері са­ры безгек ауруына қарсы вакцина жа­са­май­ды. Сары безгек – өткір ге­мар­рагиялық жұқпалы ауру. Ол Африка мен Оңтүстік Америка елдерінде кең тара­ған, адамға да, малға да бірдей жұ­ғады. Ауруды қансорғыш буын­аяқ­ты­лар, негізінен, масалар таратады. Жыл сайын сары безгекті әлемнің 200 мың тұрғыны жұқ­тырады, аурудан 30 мың адам қай­тыс болады. Сары без­гек­тің ғылым ті­лін­дегі атауы – ама­рил­лез. Оны емдеуге арналған ешқандай пре­парат жоқ. Сол себепті одан сақ­та­нудың бір амалы – алдын алу. Ауруға қар­сы вакцинаның құны қымбат, Аф­рика елдеріне сапар шегетін Қазақстан аза­маттары Мәскеу қаласынан екпе жасатуына болады.