Шаруашылық жүргізу құқығындағы мемлекеттік коммуналдық кәсіпорындарға еңбекақы төлеу тәртібі
Ауыл шаруашылығы министрлігінің мемлекеттік мекемесіне қарасты шаруашылық жүргізу құқығындағы мемлекеттік коммуналдық кәсіпорындарға еңбекақы төлеу қандай заңнамалық актілермен реттеледі? Ал егер мемлекеттік коммуналдық кәсіпорын болса, ақы қалай төленеді?
Төлеухан Шағдатов, Қарағанды облысы
Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу ҚР Үкіметінің 2007 жылғы 29 желтоқсандағы № 1400 қаулысымен айқындалады. Кодекстің 1-бабында азаматтық қызметшi – Қазақстан Республикасының заңнамасында белгiленген тәртiппен қазыналық кәсiпорындарда, мемлекеттiк мекемелерде ақылы штаттық лауазымда iстейтiн және олардың мiндеттерi мен функцияларын iске асыру және мемлекеттiк органдарға техникалық қызмет көрсетудi жүзеге асыру мен олардың жұмыс iстеуiн қамтамасыз ету мақсатында лауазымдық өкiлеттiктердi жүзеге асыратын адам деп белгіленген. «Мемлекеттiк мүлiк туралы» Қазақстан Республикасының 2011 жылғы 1 наурыздағы № 413-IV Заңына сәйкес, республикалық мемлекеттiк кәсiпорынның еңбекақы төлеу қорының мөлшерiн жыл сайын тиiстi саланың уәкiлеттi органы, ал коммуналдық мемлекеттiк кәсiпорынның – жергiлiктi атқарушы орган белгiлейдi. Еңбекақы төлеу нысандарын, штат кестесiн, лауазымдық айлықақылар мөлшерiн, сыйлықақы беру және өзге сыйақы жүйесiн белгiленген еңбекке ақы төлеу қорының шегiнде мемлекеттiк кәсiпорын дербес айқындайды.
