Шаруақожалық мүлкіне кім иелік етеді?

Колхоз-совхоздар тараған тұста жиырмаға жуық отбасы бірігіп, жеке шаруақожалық құрған едік. Қазір сол жиырма үйлік ұжымшардың барлық жерін шаруа қожалықтың басшысы ғана пайдаланып отыр... Бұл қаншалықты заңға негізді екенін білгім келеді.
Кеңесхан, Алматы облысы
Шаруақожалықтың мүлкi ортақ бiр­лескен мүлік болып саналады. Сол үшін де ортақ үлестiк меншiк құқығында көрсе­тілгендей, ол мүлік қожалықтың барлық мү­шелерiне тиесiлi болуы керек. Шаруа (фермер) қожалығы мүшелерiнiң меншi­гiнде жер учаскесiндегi екпелер, шаруа­шылыққа арналған және өзге де қора-қопсылар, мелиорациялық және басқа да құрылыстар, өнiм беретiн және жұ­мысқа жегiлетiн мал, құс, ауыл шаруа­шы­лығына арналған және өзге де техника мен жаб­дықтар, көлiк құралдары, керек-жарақтар және қожалық үшiн оның мүшелерiнiң ортақ қаражатына сатып алынған басқа да мүлiктер мүшелер арасындағы келiсiм бойынша пайда­ланылуы тиіс. Сондықтан да сізге шаруа (фермер) қожалығы мүше­лерiнiң мүлiктiк қатынастары азаматтық және жер туралы заңдардың тиiстi нор­ма­ла­рымен реттеле­тінін ескерткіміз келеді.