Сақал сабаққа кедергі ме?

Мектебіміздің бір оқушысын сақал қойғаны үшін сабаққа кіргізбей қойды. Сақал қойғаны үшін сабаққа кіргізбеу заңды ма?
Нұрғали, мектеп оқушысы, Ақтөбе облысынан
Мамандардың айтуына қара­ғанда, шашты шектен тыс өсір­гендігі немесе сақал қойғаны үшін оқушы сабаққа кіргізілмесін деген заң болмағанымен, Білім және ғы­лым министрлігінен бекітілген мек­­­теп оқушылары сақтауға мін­­­­дет­ті санитарлық нормалар мен ережелер бар. Санитарлық норма­лар мен ережелерге байланысты мектеп оқушыларына шаштарын, тыр­нақ­тарын шектен тыс өсіруле­ріне тыйым са­лынады және мектеп формасын кию мін­деттелген. Мек­теп оқушылары сани­тарлық нор­малар мен ережелерді сақ­тауға міндетті. Бірақ сақал қойғаны үшін сабаққа кіргізбеу адам құқығын бұзу бо­лып табылады. Мұндай жағ­дайды оқу­шыларға, олардың ата-аналарына түсіндіру арқылы шешкен дұрыс.