Сақ патшаларының киім үлгісінің символикалық мағынасы бар

Сақ дәуіріндегі билік туралы түсініктер қандай болған? Сақ патшаларының киім үлгісінің мифологиялық мағынасы қандай?
Рима, Алматы облысы
Б.Өтемісов, Қ.Қарабаланың кітабында жа­зыл­ғандай, сақ патшаларының киім үлгісі олар­дың билік жөніндегі дүниетанымынан хабар береді. Сақ патшаларының дулығасының қола мен алтыннан жасалуының симво­лика­лық ма­ғы­насы бар. Баскиімнің алдыңғы жа­ғын­дағы күн белгісі – күллі космостың тұтас бей­несі, төрт қанатты пырақ пен төрт алтын жебе – бұл күн өз жолымен жүргенде айналып өтетін барша үш дүние мен жалғанның төрт бұрышын түгел би­лейтін өктемдіктің өзгеше бір белгісі. Баскиім­нің алдыңғы жағын сақтар жалғанның шығыс жағы, артқы жағын батыс жағы деп есептеген.
Осындай тәжді кигізу көсемге күллі кос­мосты билеуді тапсырды деген түсінік біл­дірген. Көсем – дүниенің кіндігі, оның орта­лығының бейнесіндей болған.