Шапито қандай цирк?

Цирктің шапито деп аталатын түрін естіген едім. «Шапито» сөзі қандай мағына береді? Жалпы, цирк өнері қашан пайда болған?
Айгүл НҰРҚАНАТ, Семей
Шапито (француз сөзі, «қалпақ» дегенді білдіреді) – жазғы цирктің жиналмалы жеңіл түрі, оның брезентті шаты­рын ұзын діңгектер ұс­тап тұрады. Әдеттегі цирктегі си­яқ­­ты, шапитода да қойы­лым­дар, репетициялар өтіп жа­тады. Тек мұнда бәрі – аң­дар­дың торы да, әртістердің зат­тары да жылжымалы, себебі шапито бір жерде ұзақ кідір­мейді.
Жалпы, цирк – ертеден келе жатқан өнер. Акробат­тар, жонглерлер, арқанмен жүру­шілер, клоундар жұрт­тың кө­ңілін көтеруді бұдан бірнеше жүздеген жыл бұрын бастаған. Орта ғасырларда цирк қойы­лым­дары тура кө­шеде, жәр­меңке алаңда­рында өтетін. Ол кездерде цирк өнерпаз­дарының тұ­рақты мекенжайы болған жоқ. Сөйтіп, олар үне­мі бір қаладан екінші қалаға сая­хаттап жүрді. Жылжымалы тұңғыш жазғы цирк Парижде Елисей даласында XIX ғасыр­да өнер көрсеткен. Ал ал­ғашқы шапито Ресейде, 1830 жылы Мәскеудегі Нескучный бағында ел алдына шыққан. Бүгінде ірі қалалардың бә­рінде стационарлы цирктер­дің зәулім ғимараттары бар. Со­ған қарамастан, шапито әрқа­шан да елдің сүйікті қо­нағы болып қала береді.