Шаңғымен бағдарлау деген не?

Өз елімізде өткен VІІ қысқы Азия ойындарында шаң­ғы­мен спорттық бағдарлау спортын көріп, жер­лес­тері­міздің қуанышына мәз болдық. Алайда бұл спорт тү­рін­де түсінбейтін тұстарым көп. Жалпы, жеңімпаз қалай анық­талады?
Дәурен Ермекбайұлы, Алматы қаласы
Бұл сұрақтың нақты жауабын білу үшін осы спорт түрінен ҚР мем­лекеттік жаттықтырушысы Ирина Щегловамен хабарласып, төмендегідей жауап алдық:
– Бұл спорт түрінің, не­гі­зінен, та­рихы бай. Біздің елге 60-жыл­дар­дың басында келген. Қазіргі таң­да Еуропада жақсы дамыған. Азия елдерінде – Қытайда, Иран­да, Кореяда және Жа­по­ния­­да қолға алынып келеді. Біз­дің спортшылар әлемдік аренада сын­ға түсіп, мол тәжірибе жи­нақ­тағандықтан, өз елімізде өт­кен Азия ойындарында еш­кім­ге дес берген жоқ. Негізгі мән-мазмұны – арнайы картаның кө­­ме­гімен, компасты қолдану ар­қы­лы белгілі бір қашықтықтағы жарыс жолын жүріп өту. Картада көрсетілген қа­шық­тықты жүріп өту үшін SPORTident электронды жүйесі қол­данылады. Спортшы шаңғы жолын өзі таңдайды. Не­ғұрлым қыс­қа жолды таңдау арқылы бақылау бел­гілеріне тез жетіп, уақытты үнем­десе, жеңіске жетуге мүмкіндігі мол болады. Жа­рыс нәтижесі спортшының қа­шық­­тықты өту уақыты бойынша анық­талады және картада көр­сетілген тәртіп бойынша барлық ба­қылау пунктерін басып өтуі тиіс. Шаң­ғы­мен бағдарлауда кар­та спорт­шы­ның кеудесіне киіл­ген арнайы план­шетте бекі­ті­леді, – деді.