Самурайлар елінің қандай ерекшеліктері бар?

Әлем халықтарының ішінде көне салт-дәстүрлерін берік ұстанатын жапондардың қандай ерекшеліктері бар?
Ғалым Шаймерден, Алматы облысы
Жапондардың тұрмыс-тіршілігінде өз­ге ел-жұрттың мәдениетіне мүлде ұқ­самайтын өзіндік салт-дәстүрлер молы­нан сақталған. Бүгінде әлемді техно­ло­гиялық жетістіктерімен таңғалдырып келе жат­қан жапондар өте үнемшіл ке­леді. Жапон үйлерінде жиһаз аз болады, ед­ен­деріне көбіне күріш сабаны­нан то­қыл­ған төсеніш – татами төсе­леді. Жа­пондықтар аяқкиімдерін боса­ғаға тас­тап, үйде шұлықпен немесе жалаң­аяқ жүреді. Тамақ­танатын әрі ұйық­тай­тын жері де еден болған соң, олар оны әр­қашан таза ұстайды. Жапон өнері, әсі­ресе кескіндеме өнері мен қуыршақ театры өзіндік ерекшеліктерге бай. Бұл ха­лық гүл шоғын сәндеп, көркемдеуді өзіндік мәдениетке айналдырған. Олар­дың ұлт­тық әдебиеті де тосын иірімдер­ге бай. Ол­ардың дзю-до, каратэ, су­мо күресі се­кілді ұлттық спорт түрлері бү­гін­де бүкіл дү­ние­жүзіне бел­гілі. Соны­мен қатар жа­пон­дардың ішін­де еж­елгі самурай дәстүрін әлі күнге де­йін ұстанатындары бар.