Сәби қабіріне тас қоюға бола ма?

– Менің білгім келгені, егер сәби шетінеп немесе басқа жағдайда қайтыс болса, оның басына тас қоюға бола ма? Үші, жетісі беріле ме?
Берік Әлімбетов,Оңтүстік Қазақстан облысы
Әбдімүтәліп ДӘУРЕНБЕКОВ, Қазақстан мұсылмандары діни басқармасы оқу-ағарту бөлімінің меңгерушісі:
— Жалпы, қабірге тас қою, оған қайтқан адамның атын, ту­ған күні мен қайтқан жылын жазу жа­йында ғалымдардың арасында пі­кірталас бар. Бірі харам десе, енді бірі мәкрүһ дейді, ал енді бір топ атын жазуға болатындығына рұқ­сат еткен. Алайда ас беру шариғатымыздың міндетті түрде атқарылуы тиіс парыз амалда­ры­на жатпайды. Яғни жасалмаған жағдай­да ешбір адам күнәһар бол­майды. Бірақ, жалпы алғанда, жұрт­қа тамақ таратудың сауапты іс екенін хадистерден және кейбір Құран аяттарынан байқаймыз. Сондықтан жетісі, қырқы, жылы деп нақты күндерді санап жатпай-ақ, кез келген күні сауабын қайтыс болған кісіге бағыштап жоқ-жі­тік­терге, мұқтаж жандарға тамақ таратып, ас беру абзал. Ал мұқтаж жандар қатарына жатпаса да, туған-туыс, жора-жолдаста­рын жинап ас беруге де шариғат қар­сы емес. Дінімізде міндетті түр­де қарызданып немесе өзіңе қа­жетті қаржыңды жұмсап, өлі аты­нан үлкен мал сойып, садақа бер де­ген үкім жоқ. Ас ысырапқа жол беріл­местен атқарылуы тиіс.