Ресей патшайымының 15 мың көйлегі болған

Тарихта патшайымдар жайлы қызықты деректер көп. Мысалы, орыс ханшайымы Елизавета бір көйлекті екі мәрте кимейтін болыпты. Осындай аңыздар ақиқатқа қаншалықты жанасады?
Нұрәлім, Алматы облысы
Жалпы, тарихи аңыздардың қайсысы шындық, қайсысы жалған екенін екшеу мүмкін емес. Десе де Ресейдің импе­раторы Елизавета Петрқызы­ның 15 мың көйлегі болыпты. Әдемі­лікке жаны құштар пат­шайым той-томалақ пен көңіл кө­терер думандарды жақсы көреді екен. Ол түрлі сауық кеш­терін ұйымдастырып, әр­түр­лі елдерден өнерпаз ша­қыру­ды әдетке айналдырған. Сонымен қатар шетелден кел­ген көпестер өз тауарларын ал­дымен патшайымның алдынан өткізіп, оған ұнаған жібек ма­та­лар мен әшекейлерді тарту етіп, ризашылығын алатын болған. Ал Англияның хан­шасы (1837-1901жылдар) Виктория болса, орыс пат­шайымы секілді емес. Оның аты күйеуі Альбертті аза тұ­туымен тарихта қалған. 1861 жылы күйеуі қайтыс болы­сымен, қара жамылып, қара көйлек киген. Виктория содан кейін тек қара көйлек киюді әдетке айналдырыпты. Өмі­рінің соңына дейін, яғни 40 жыл бойы қара көйлек киіп өтіп­ті.