«Қыз-көктем» қашан болады?

Жазушылар одағы жыл сайын 8 наурыз қарсаңында талантты қыз-келіншектердің басын қосып, әдеби кеш өткізуші еді. Ондай шара биыл жоспарланған ба екен?
Әсел, Талғар қаласы
Қазақстан Жазушылар одағы жыл са­йын дәс­түрлі түрде Халықаралық әйел­дер күні қар­саңында әдебиет пен өнерде жүрген нәзік жан­дыларға арнап әдеби-саз­ды кеш өткізіп келеді. Мұндай шара биыл да жоспарда бар. Осы орай­да ал­дағы 4 наурыз күні сағат 16.00-де Қа­­зақ­стан Жа­зу­шылар одағының Әдебиет­ші­лер үйін­де Ха­лықаралық Әйелдер күні ме­ре­ке­сіне ар­налған дәстүрлі «Қыз-көктем» ат­ты жыр ке­ші өтеді. Оған қазақтың та­ны­мал талантты ақын қыздары мен өнер ше­бер­лері қаты­са­ды. Кеш барысында Мар­фуға Айт­хожина, Кү­ләш Ах­метова, Зай­да Елғон­ди­нова, Баян Бекетова бас­та­ған қазақтың аяулы ақын қыз­дары өз өлең­дерін оқып, әнші, биші қыз­дар өнер­лерін ортаға салмақ. Мерекелік шараны бе­лгілі жас қаламгер Бейбіт Сарыбай жүр­гізеді. «Осы кешке көрермен ретінде қа­тысып қана қоймай өз өнерін көрсетіп, өлеңдерін оқығысы келетін та­лантты жас қыздарға Әдебиетшілер үйі­нің сах­насынан орын табылады», – дейді кеш­ті ұйым­дастырушылар.