Қытай коммунистік партиясы – адам саны бойынша ең үлкен партия

Әлемдегі саяси партиялардың ішінде мүшелерінің саны жөнінен ең үлкен партия қайсы?
Бағдат, Талғар
Дүниежүзі бойынша мүшелерінің саны жағынан ең үлкен партия ретінде Қытай коммунистік партиясы сана­ла­ды. Коммунистік партбилетке ие қы­тай­лықтардың саны 70 миллионнан асып, бүкіл Жұңғо жұртының 5,5 пайы­зына жетті. 1921 жылы 1 шілдеде құрылған Қытай коммунистік партия­сы­ның алғашқы съезіне 12 делегат қа­тыс­қан болса, партия мүшесінің саны 1945 жылы 1,21 млн адамнан асты. Гоминьданьды жеңгеннен кейін ҚКП қатары 1958 жылы – 10 млн адаммен, 2000 жылы 60 млн адаммен толықты. 2002 жылы партия өз қатарына бизнесмендердің кіруіне рұқсат берді. Қытай коммунистік партиясы өз ішінен неомаошылар (пекиндік комсо­мол­шы­лар) және шанхайлықтар деген топ­тар­ға бөлінген.