Қышыма неден жұғады?

Қолдың сырты жиі қышитын болса, оның қышыма ауруы болғаны ма? Қалай білуге болады? Ауру неден жұғуы мүмкін? Қалай сақтанған жөн?
Нұрсұлтан Имашев, Ақтөбе облысы
Санитарлық-эпидемиологиялық қызмет ма­ман­­дарының мәліметінше, қышыма – терінің қо­тыр кенесінен тарайтын жұқпалы ауруы. Қо­тыр кенесі адамның терісіне түскеннен кейін қы­шыма ауруы белгісі үш күннен жарты айға де­йінгі аралықта пайда болуы мүмкін. Жұқпалы ау­ру, негізінен, денесінде қотыры бар адамнан жұ­ғады. Көбіне балалар бір-біріне ойыншықтар арқылы жұқтырып жатады. Сонымен бірге бұл ау­ру адамға монша, қонақүй мен жолау­шы­лар пойыздарынан жабысуы мүмкін. Ау­ру­дың алғашқы белгісі байқалысымен-ақ дә­рі­герге көрінген жөн. Өйткені терінің қышуы уа­қытша құбылыс болуы мүмкін деп нем­құ­райды қараудың салдарынан ауру асқынуы ық­тимал. Өзін-өзі емдеумен айналысуға бол­май­ды! Қышыманың алдын алу үшін әркез жеке бас ги­гиенасы талаптарын қатаң сақтаған жөн: сырт­тан келгенде қолды сабындап жуу қажет, бас­сейн, сауна, монша сияқты орындарда өз­ге­нің сүлгісін, жуыну құралдарын және киім-ке­шегін пайдаланбаңыз.