Құрлық әскерінің негізгі тапсырмалары қандай?

Құрлық әскеріне деген қызығушылығым бала кезден бар. Құрлық әскерлерінің негізгі міндеттері қандай?
Данияр, Алматы қаласы
Данияр, сіздің әскери салаға деген қызы­ғушылығыңыз бізді де қуантып отыр. Наза­рыңызға ҚР Қорғаныс министр­лігінің ресми мәліметтерін ұсынамыз.
1993 жылғы 9 сәуірдегі «Қазақстан Республикасының қорғанысы және Қарулы Күштері туралы» Заңының 12-бабына сәй­кес, Құрлық әскерлері әскери басқару ор­ган­дары, өңірлік қолбас­шылықтар, әскер тектері, арнайы әскерлер, тыл, оқу және резервтегі бөлімдерден тұрады. ҚР ҚК Құрлық әскерлерінің негізгі тапсырмаларына мыналар кіреді:
1. Агрессияға тойтарыс беру үшін әскерлер­­­­­­­дің әзірлігіне қолдау көрсету.
2. Қазақстан Республикасының егемендігі мен аумақтық тұтастығын қорғау.
3. Мемлекеттік және әскери объек­тілерді күзету және қорғау.
4. Мемлекеттік шекараның құрлықтағы бөлігін қорғау.
5. Бітімгерлік және басқа да тап­сыр­маларды орындау.