Құрамында мырышы көп азық-түлік өнімдері қандай?

Жуырда газеттеріңізде мырыштың пайдасы туралы жазыпсыздар. Ол қандай тамақтарда кездеседі жане қайсысында көбірек екенін айтсаңыздар екен...
Қайрат Рақымбаев, Алматы қаласы
Құрамында мырышы ең көп өнім – устрица. Асқабақ шекілдеуіктері де осы химиялық затқа бай. Мамандардың ай­туын­ша, 45 грамм устрица мен 60 грамм асқабақ шекілдеуігінің құра­мын­да­ғы мырыш көлемі бірдей. Мырыш дән­ді дақылдар құрамында да көп. Адам ұн өнімдерін үнемі қолданады. Демек, адам ағзасы күн сайын мырыш қа­жеттілігін өтеп тұрады. Дегенмен кей­бір ауыр науқасқа ұшыраған адамдар ағ­засында бұл жағы кемшін болуы мүм­кін. Сон­дық­тан дәрігерлер арнайы ра­цион ұсынады. Өн бойында мырышы бар өнімдер мы­на­лар (1 келі деп өл­шейтін болсақ):
– алма, апельсин, лимон, інжір, грейп­фрут, минералды су – 0,25 мг;
– бал – 0,31 мг;
– бүлдірген, қарақат, құрма, көк­өніс­тер, теңіз балықтары, сиыр еті, сүт, тазар­тылған күріш – 2-8 мг;
– бидай, тары, ашытқы, пияз, сарым­сақ, тазартылмаған күріш, жұмыртқа – 8-20 мг;
– сұлы және арпа ұны, какао, сірне, жұ­мыртқа саруызы, қоян еті, жаңғақ, ас­бұршақ, жасымық, көк шай, құрғақ ашыт­қы, кальмар – 20-50 мг;
­– сиыр бауыры, өзен балықтары – 30-85 мг;
– бидай жармасы, асқабақ пен күн­ба­ғыс шекілдеуігі – 130-202 мг.