Құқық қорғау қызметіне қандай адамдар қабылданбайды?

Азаматтар қандай негіздер бойынша еліміздің құқық қорғау қызметіне қабылданбайды?
Нұрбек, Алматы облысы
Құқық қорғау қызметіне: 1) заңмен белгіленген тәртіп­пен іс-әрекетке қабілетсіз немесе іс-әрекетке қабілеті шектеулі деп танылған; 2) әскери-дәрігерлік комиссияның қорытындысына сәйкес лауазымдық өкілеттіктерді орын­дауға кедергі келтіретін сырқаты бар; 3) өзінің мәртебесі мен соған негізделген беделін жеке, топтық және өзге де қызметтік емес мүдделерде пайдалануға әкеп соғуы мүмкін іс-әрекеттерді болғыз­бау мақсатында заңда белгіленген шектеулерді өзіне қабылдаудан бас тартқан; 4) құқық қорғау қызметіне тұрар алдында үш жыл ішінде сыбайлас жемқорлық құқық бұзушылық жасағаны үшін тәртіптік жауапкер­ші­лікке тартылған; 5) құқық қорғау қызметіне тұрар алдында бір жыл ішінде қасақана құқық бұзушылығы үшін сот тәртібімен әкімшілік жаза қолданылған; 6) құқық қорғау қызметіне тұрғанға дейін үш жыл ішінде сыбайлас жемқорлық құқық бұзушылық жасағаны үшін сот тәртібімен әкімшілік жаза қолданылған; 7) сыбайлас жемқорлық қылмыс жасаған; 8) сыбайлас жемқорлық құқық бұзушылықтар жасағаны үшін жұмыстан шы­ғарылған; 9) бұрын сотталған немесе қылмыстық жа­уаптылықтан ақталмайтын негіздер бойынша боса­тылған, сондай-ақ мемлекеттік қызметтен, өзге де құ­қық қорғау органдарынан, соттардан және әділет ор­гандарынан теріс себептермен шығарылған адам қа­былданбайды.