Қосымша жұмысқа зияндылық үшін ақы төлене ме?

Егер қызметкер зиянды немесе қауіпті жұмысты қоса атқарса, оған лауазымды қоса атқарғаны үшін қосымша ақымен қатар, зиянды еңбек жағдайында қызмет атқарғаны үшін қосымша ақы төленуі тиіс пе?
Мұрат Әлімбаев, Қарағынды облысы
Еңбекті нормалау және еңбекке ақы тө­леу басқармасының сарапшы маманының мә­ліметінше, ҚР Еңбек кодексінің 204-бабын­да ауыр жұмыстарда, еңбек жағ­дайлары зиянды (ерекше зиянды), қауiптi жұ­мыстарда iстейтiн қызметкерлердiң еңбе­гi­не ақы төлеу қалыпты еңбек жағдайлары бар жұмыстарда iстейтiн қызметкерлердiң ең­бегiне ақы төлеумен салыстырғанда жо­ғарылатылған лауазымдық айлықақылар (ста­в­калар) немесе қосымша ақылар бел­гi­леу жолымен жоғарылатылған мөлшерде, бiр­ақ Қазақстан Республикасының заңнама­сын­­да, салалық келiсiмдерде немесе ұжым­дық шарттарда еңбекке ақы төлеудiң ең төменгi стандарттарына негiзделiп бел­­гiлен­ген­нен төмен емес мөлшерде белгi­ле­не­дi деп айқындалған.
Жұмыс уақытының қысқартылған ұзақты­ғына, еңбекақының жоғары мөлшеріне және жыл сайынғы ақылы қосымша еңбек дема­лы­сына құқық беретін өндірістердің, цехтар­дың, кәсіптер мен лауазымдардың тізімі, ауыр жұмыстардың, еңбек жағдайлары зиян­ды (ерекше зиянды) және (немесе) қауіп­ті жұмыстардың тізбесі (бұдан әрі – Тізім) Қазақстан Республикасы  еңбек және ха­лықты әлеуметтік қорғау министрі мін­детін атқарушының 2007 жылғы 31 шіл­д­е­дегі №182-ө бұйрығымен бекітілген. Осы­ған орай, зиянды және ауыр еңбек жағ­­дай­лары үшін қосымша ақы алуға ла­уазым­­дары мен кәсіптері Тізімге енгізілген қыз­мет­керлердің құқығы бар.
Аталған жағдайда егер қызметкер еңбек жағдайлары зиянды немесе қауіпті жұмысты қоса атқарса, оған лауазымды қоса атқар­ғаны үшін қосымша ақымен қатар, зиянды еңбек жағдайында қызмет атқарғаны үшін қосымша ақы төленуі тиіс.