Қосымша жұмыс үшін ақы төлену керек пе?

Мекеме бастығының бұйрығына сәйкес, өз қызметіме қосымша, кезекті еңбек демалысына кеткен қызметкердің жұмысын қоса атқардым. Бірақ мекеме маған қосымша жұмыс үшін ақы төлемеді. Менің білгім келгені, мекеменің қосымша жұмыс үшін ақы төлемеуі заңды ма?
Мейрам АҚЫЛБЕК, Жамбыл облысы
Еңбекті нормалау және еңбекке ақы төлеу бас­қармасының сарапшысының мәліметіне қа­рағанда, мекеменің қосымша жұмыс үшін ақы төлемеуі – заңсыз. Өйткені азаматтық қыз­мет­шілерге еңбекақы төлеу жүйесі «Аза­маттық қызметшілерге, мемлекеттік бюджет қаражаты есебінен ұсталатын ұйымдардың қыз­­мет­кер­леріне, қазыналық кәсіп­орын­дар­дың қыз­мет­кер­леріне еңбекақы төлеу жүйесі ту­ралы» Қазақ­стан Республикасы Үкіметінің 2007 жыл­ғы 29 желтоқсандағы № 1400 қау­лы­сымен рет­теледі. Қаулының 19-қо­сым­ша­сын­да ма­ман­дарға, қызметшілерге және жұ­мыс­шыларға лауазымдарды қоса қызмет ат­қарғаны (қыз­мет­тер көрсету аясы кеңігені) үшін қызметкердің лауазымдық жалақысынан 50 %-ға дейінгі мөлшерде қосымша ақы бел­гі­лен­ген.
Көрсетілген қосымша ақы мекемелердің басшыларына, олардың орынбасарларына қолданылмайды.