«Қазтест» деген не?

Кейбір мемлекеттік қызметтегілер «Қазтест» жүйесі арқылы қазақ тілінен арнайы сынақтан өтеді деп естідім. Ол қандай жүйе?
Нұрбек Әлибек, Тараз қаласы
Бұл – Қазақстан Респуб­ли­­­касы­ның азаматтары мен Қазақстан ау­мағында қызметін жүзеге асыратын шетел аза­маттарының мемлекеттік тілді білу деңгейін бағалаудың отан­­дық жүйесі.
2006 жылдан бері жүзеге асы­­рылып келе жатқан бұл жо­ба тіл білі­мін бағалаудың ха­­лы­­қаралық жү­йелеріне не­гіз­делген.
Мемлекеттік қызмет алу үшін пай­даланушы Ұлт­тық тес­тілеу орта­лы­ғына (ме­кенжайы: Астана қ., Жеңіс даңғылы, 60, Мемлекеттік тіл­ді дамыту бас­қармасы, №1 ка­бинет, те­лефоны: 69-50-73) келесі құ­­жаттарды тапсыру ке­рек:
• мемлекеттік қызмет алу үшін толтырылатын өтініш;
• тұтынушының жеке тұл­ға­сын растайтын құжаттың кө­шір­месі;
• қазақ тілін меңгерудің бел­гілі бір деңгейін растайтын сертификаттың көшірмесі (бол­ған жағдайда – Ұлттық тес­тілеу орталығында бе­ріл­ген).
Өтініш үлгісі Ұлттық тесті­леу орталығында беріледі. Мем­­лекеттік қызмет көрсету үшін қажетті құ­жаттар Ұлт­тық тестілеу орталығына тапсы­ры­лады.
Құжаттарды қабыл­да­ған­нан кейін Ұлттық тестілеу ор­талығының қыз­меткерлері тес­­ті­л­енушіге арнал­ған нұс­қаулықпен таныстырып, қол­дарына береді. Одан кейін мем­лекеттік қызмет алу мер­зі­мін анықтайтын емтиханға рұқ­саттама беріледі.