Қазақтың әскери лауазымдары қалай аталған?

Қазақы әскери атаулардың мағынасы жайлы білгім келеді. Дәстүрлі қазақ қоғамындағы әскери лауазымдар қалай аталған?
Олжас, Қарағанды
Жалпы, әскер атауы арабтың «әс­кәр», пар­сы­ның «ләшкәр» деген сөзінен шыққан. Қа­зақтар әс­керді «сар­баз», «жауын­гер», «жасақ», «қол» деп атаған. Қазақ халқы әс­кер­дің түріне, құ­ра­мы­на және ерекшелігіне байланысты атты әс­кер, жаяу әскер,  ондық,  жүздік,  мыңдық,  түмен,  жа­сақ, қосын, қол, лек, аламан, оң қанат, сол қа­нат, ше­ру, сап, шеп, тағы басқа дәстүрлі әскери атау­­­­лар­ды қолданады. Сондай-ақ әскер­дің сарбаз, жауынгер мағына­сын­дағы  ба­тыр (ба­hа­дүр),  аламан,  сыпай,  шора,  ше­рік,  жа­­сауыл, сар­баз, жауынгер тағы басқа жа­рыс­палы атаулары бол­ған. Ал дәстүрлі лауа­зым­дар  он­басы,  жүзб­а­сы,  жүзбегі,  мыңбасы,  мың­бегі, түмен­ба­сы, аға (аға батыр),  тархан,  қол­­ба­сы,  батырбасы,  сар­дар,  бек, беглербегі, әмір, т.б деп аталады. Шабуыл кезін­де не қорғаныста жеке әрекет етіп, жер жағ­дайын талғамай тұтқиылдан тиісуге оң­тай­­лы­лығымен ерекшеленетін атты әскер өте ер­те­де Азия елдерінде пайда болған. Содан болар, қазақ халқының ерте заманнан бер­гі жауынгерлік жо­рықтары атты әскермен тікелей бай­ланысты.