Қазақстанның басты 10 бренді қандай?

Әлемдік қауымдастық алдында еліміздің имиджін айшықтайтын басты бренділеріміз қандай?
Аружан Айдарбаева, Талғар
Жалпы, елдігімізді паш ететін бренділеріміз баршылық. Кеше ғана www.vlast.kz сайты жария еткен негізгі 10 брендіні назарға ал­ғанды жөн көрдік. Бірінші брен­ді­міз – мұнай. Жылдан-жылға мұ­най өндіруді арттырып жатқан Қа­зақстанның болжанған мұнай қоры 50-60 жылға жетеді. Әлем­де­гі ең алғашқы әрі ең үлкен ға­рыш айлағы саналатын Байқоңыр – елдің екінші брендісі. Халық­ара­лық аренада үлкен беделге ие бол­ған Қазақстанның тұңғыш Пре­зиденті, Елбасы Нұрсұлтан На­зар­баев – еліміздің бренді. Қазақ­стан Азия елдері, ТМД бо­йынша 2010 жылы ЕҚЫҰ-ға төр­а­ғалық етіп,  ұйымның Астанадағы саммитін өткізді. 56 ел кіретін ЕҚЫҰ-ға төрағалық елдің брендісі саналады. Әлемдік додаларда топ жарып жүрген «Астана» вело­ко­мандасы – Қазақстанның мақ­та­­нышы, елдік брендісі. Қоғам қайрат­кері О.Сүлейменов құрған Не­ва­да-Семей антиядролық қоз­ғалысы елді әлемге танытып, ұлттық брендіге айналды. Аталған сайт «Борат» фильмін де бренд деп бағалапты. Әр үш жылда Астанада өтетін Әлемдік және дәстүрлі діндер көшбасшыларының съезі – Қазақстанды танымал еткен брен­ді. 2011 жылдың қаңтар-ақпа­нын­да Астана мен Алматы қала­ла­рында өткен VII қысқы Азия ойындары елдің брендісі болып қалды. Қазақ­станның көңілді және тапқырлар командасы (КВН) бренд болып танылды. Әрине, бұл – әй­гілі брен­ді­леріміздің бер жағы ғана.