Қазақстан қай саладан бірінші тұр?

Қазақстан жер көлемі жағынан 9-ыншы, бидай экспорттаудан 7-орында тұрғанын білеміз. Бұдан да басқа салалар бойынша қай деңгейде тұрғанын атап бере аласыздар ма?
Алмас Қадырұлы, Алматы облысы

Бұл сұраққа халықаралық рейтинг анықтаушы ұйымдардың мәліметтерін келтіру арқылы жауап берсек.
Қазақстан әлем бойынша:
Ұн экспорттаудан – 1-інші;
Азаматтардың құрт ауруына шалдығуы бойынша – 1-інші;
Мырыш кенінің қоры бойынша – 1-інші
Велоспорттан «Астана» командасы – 1-інші;
Уран өндірісі бойынша  – 2-ші;
Астанасының суықтығы жағынан  – 2-ші;
Хром кенінің қоры бойынша – 3-інші;
Темір тордағылар саны жағынан  – 3-інші;
Табиғи байлықтарының қоры бойынша  –  6-шы;
Бидай экспорттаудан  –  7-ші;
Азаматтарының өз-өзіне қол салуы жағынан  – 7-ші;
Темір өндірісінен  –  8-інші;
Қауіпті жағдайда Инвестиция салуға тәуекелге барудан  – 8-інші;
Мигранттар қабылдау бойынша  – 9-ыншы;
Жер көлемі жағынан  –  9-ыншы;
Мұнай мен газ қорлары бойынша  – 13-інші;
Азаматтарының темекі шегуі жағынан  – 13-інші;
Ересек адамның басына шаққандағы кәсіпкерлер саны жағынан – 16-шы;
Теміржол инфраструктурасы бойынша – 34-інші;
Алтын өндіруден  – 40-ыншы;
Салық төлемінің қарапайымдылығы жағынан – 44-інші;
Ақпараттық технологиясының дамуы жағынан – 71-інші;
Бизнес жүргізудегі қарапайымдылығы жағынан – 86-шы;
Ұялы байланыстың қол жетімділігі жағынан – 88-інші;
Туризмге қолайлы елдердің қатарынан – 92-ші;
Жемқорлық мәселесі бойынша – 113-орында.