Қазақстан Композиторлар одағының құрылуына Төлебаев мұрындық болған

Қазақстан Композиторлар одағы қай жылы құрылды және оны кімдер құрғанын білгім келеді. Кейбір деректерде одақтың алғашқы атауы мүлде бөлек болды деген де мәліметтер бар.
Данияр Жұмай, Талдықорған қаласы
Шынында да, бұл одақты 1939 жылы қарашаның 3-і күні қазақстандық композиторлар Мұқан Төлебаев, Ахмет Жұбан­ов, Евгений Брусиловский,  Ла­тиф Хамиди, Сергей Шабель­ский мен Борис Ерзакович бі­рі­гіп құрған болатын. Кейіннен 1959-1960 жылдар аралы­ғын­д­а Қазақстан Композиторлар ода­ғына М. Төлебаев төрағалық еткен болатын. Алғашқыда бұл ме­кеме еліміздегі композитор­лар мен сазгерлердің жұмысын ұйым­дастырып, шығармаларын ел­ге таныту мақсатында құрыл­ған болса, ал 1957 жылы оның атауы Ұйымдастыру коми­те­тінен Қазақстан Композитор­лар Одағы болып өзгертілді. Негізгі мақсаты – одақ мүше­ле­рі­нің идеялық, кәсіби деңгейін к­өтеруге ықпал ету, ұлттық, классикалық және осы заманғы музыка өнерінің озық дәстүр­лерін дамытып, насихаттау. Одақ­тың алғашқы төрағасы бо­лып Евгений Брусиловский сай­ланған болатын.