Қазақ волейболының аруы тұрмысқа шықты

Қазақ волейболының жарық жұлдызы Сана Жарылғасованың тұрмысқа шыққанын естіп жатырмыз. Ару қыздың жүрегін жаулаған жігіт кім болды екен?
Ерсұлтан САУРАНБЕКҰЛЫ, Қызылорда облысы
Волейболдан Қазақстан ұлттық құрамасы­ның және «Астана» клубының белді ойыншысы Сана Жарылғасованың тұрмысқа шыққаны рас. Сананың күйеу жігіті де осы спорт түрін серік еткен жандардың бірі. Аты-жөні – Медет Анар­құлов. Шымкент өңірінің тумасы. Медет волей­бол ойнауды «Қазығұрт» командасынан баста­ған. Кейіннен «Атырау» командасына ауысып, 2009 жылы Қазақстан кубогына ие бол­ған. Ал 2011 жылдан бері шымкенттік «Ди­намо-Қазы­ғұрт» командасында өнер көр­сетіп жүр. Соны­мен қатар полиция инспекторы болып та қыз­мет етеді.
Қазақ волейболының қазіргі жұлдызы Сана Жарылғасова волейболды туған жері Соль-Илецк қаласынан бастаған. 2004 жылы Орал­дың «Грация» командасының басшылары ша­қыруымен Қазақстанға оралды. Кейіннен Қа­зақстан азаматтығын алып, ұлттық құ­рама­ға шақырылды. «Грациядан» соң, «Ертіс-Қаз­хром», «Алматы» командаларында өнер көрсетті.