Қаза болған әкесінің орнына жұмыс істеуге бола ма?

Менiң бір танысым 1992 жылы өндіріс орнында қаза болған еді. Сол кезде артында қалған баласы оқу бітіріп, жоғары білімді маман болды. Бірақ жұмысқа орналасу қиын болып тұр. Осы орайда менің білгім келгені, әкесінің өндіріс орнында қаза болғаны ескеріліп, сол мекемеге жұмысқа орналасуына қандай да бір жеңілдіктер қарастырылған ба?
Теңдеш ӘБІЛҒАЗИЕВ, Ақтөбе облысы
Сарапшы мамандардың мәліметін­ше, Қазақстан Республикасының ха­лық­ты жұмыспен қамту туралы заңна­масына сәйкес, мемлекет азаматтар­дың жұмыспен нәтижелі әрі еркін таңдау арқылы қамтылуына жәрдемдесетін саясат жүргізеді және жұмыссыздықтан әлеуметтік қорғауды қамтамасыз етеді. Мемлекет халықты жұмыспен қамту мәселесін шешуге уәкілетті органдар­дың делдалдығымен жұмыс таңдауға және жұмысқа орналасуға жәрдем­десуге кепілдік береді. Бұл ретте мемлекеттік қызмет көрсетудің мұндай түрлері жергілікті (өңірлік) деңгейде көрсетіледі. Осыған орай жұмысқа орналасу мәселесі бойынша тұр­ғылықты жеріңіздегі Жұмыспен қам­туды үйлестіру және әлеуметтік бағ­дарла­малар бас­қармасына мына құжат­тармен: жеке куәлік, еңбек кітапшасы немесе диплом, үй кітап­шасы, әлеуметтік  жеке кодты беру жөніндегі куәлік (ӘЖК), салық төлеушінің тіркеу нөмірін растайтын құжатпен (СТН) жолығуды ұсынамыз. Қолданыстағы Қазақстан Республика­сының заңнама­сына сәйкес, қызмет бабында жүрiп қайтыс болған әкенiң балаларын жұмысқа орналастыру міндеттелмеген.