Әбу Уаил (р.а.) әңгімелейді: «Бірде хазірет Алиге басын азат етіп алса да, бұрынғы иесіне әлі де қарызын түгел төлеп бітпеген бір құл келіп:
&ndash Қарызымды төлей алатын түрім жоқ. Маған жәрдем ет, &ndash деді. Али (р.а.): &ndash Саған Пайғамбарымыздың (саллаллаһу аләйһи уә сәлләм) маған үйреткен бір дұғасын үйретейін. Егер осы дұғаны оқысаң, қарызың таудай болса да, Алла саған жәрдем етеді. Былайша дұға ет: Аллам! Мені аз да болса адал және мүбаһ нәрселерге қанағат етушілерден қыл. Арам нәрсені ойыма да келтіре көрме. Маған байлық бер, өзіңнен басқа ешкімге мұқтаж қыла көрме».
Әбу Саид әл-Худридің айтуы бойынша: «Алла елшісі (саллаллаһу аләйһи уә сәлләм) бір күні мешітке кірді. Ансардан Әбу Үмәма атты бір кісінің отырғанын көріп:
&ndash Ей, Әбу Үмәма! Намаз уақытынан басқа уақытта мұнда көрмеуші едім сені. Не істеп жүрсің? &ndash деді Пайғамбарымыз. Әбу Үмәма:
&ndash Аздап қиналып жүрмін, ей, Аллаһтың елшісі! Оның үстіне, қарыздарым да бар дегендей, &ndash деп мұңайды. Пайғамбарымыз:
&ndash Қиындықтардан алып шығатын және қарыздарыңнан құтылуға септігі тиер бір сөз үйретейін бе? &ndash деп сұрады.
&ndash Үйретші, Алла расулы!&ndash деді Әбу Үмәма қуанып кетіп. Пайғамбарымыз:
&ndash Таңертең және кешке мына дұғаны оқы: «Аллам! Қиыншылық пен қайғы-қасіреттен өзіңе сиынамын. Шарасыздық пен жалқаулықтан бір өзіңе сиынамын. Сараңдық пен қорқақтықтан Саған сиынамын. Қарызға белшемнен батудан және қарыз берушілердің есігімді торуылдауынан да өзіңе сиынамын!». Әбу Үмәма осы дұғаны оқығалы, Алланың қалауымен қиыншылықтар артта қалып, қарызынан түгелдей құтылғанын айтады».
asyldin.kz