Қант бағасы неге қымбаттады?

Дүкенде де, базарда да құмшекердің бағасы қымбаттапты. Оған не себеп болды екен?
Эльмира, Алматы қаласы
Расында, Жаңа жылдан кейін қанттың ба­ғасы күрт өсті: 125-тен 170 теңгеге дейін. Не­гізі, «ақ тәттінің» құны былтыр 220-250 тең­геге дейін жеткен-тұғын. Кейіннен Кеден одағы аясында үлкен жеңілдіктермен тасы­мал­данған ресейлік және беларусьтік тауар­лар бұл бағаны 125 теңгеге дейін төмендеткен еді. Сол кезде отандық Қант және қызылша өсі­рушілер қауымдастығы: «Кеден одағы шең­беріндегі әріптестерімізге баға жағынан бәсекелесе алмаймыз, тіптен мұндай жағ­дай­да елімізде қант өндірудің өзі тиімсіз болып қа­лады, сол себепті Үкіметтен көмек сұрай­мыз», – деп дабыл қақты. Осы мәселеге қатысты шектеудің болған-болмағандығы беймәлім. Бір анығы, саудагерлер: «Елімізде қант қоры өте аз, кейінгі партия қандай бағамен келе­тіндігін білмейміз», – дейді.
Яғни мәселе отандық нарықтың осы тауар­мен жеткілікті деңгейде қамтылмай отыр­ған­дығымен тығыз байланысты. Мысалы, Қазақ­стан халқы жылына 480 мың тонна қант тұ­тын­са, бізде өндірілетін көлем небәрі 200 мың тонна.