Қандаладан құтылудың қандай жолдары бар?

Мен қаладағы жеке секторда тұрамын. Осы көктемде үйде қандала пайда болып еді, қаншама амал жасасақ та кетпей қойды. Қандаладан құтылудың қандай жолда­ры бар екені жайлы мағлұмат берсеңіздер екен. Жалпы қандала қайдан пайда бо­ла­ды?
Баян, Алматы қаласы
Жалпы, көп жағдайда қанда­ла­лар­дың көбеюіне тазалықтың дұрыс бол­мауы себеп болатын көрінеді. Яғни түн мезгілінде үй алдына тамақ қалдықтарын шығарып қоя салу қандалалардың пай­да болуына септігін тигізеді және олар­дың өніп-өсіп, көбеюіне жағдай туғы­за­ды. Ал олардан құтылу оңайға соқпайды. Олар кез келген нәрсеге, сондай-ақ химия­лық жойғыш­тар­ға да тез бейім­дел­гіш келеді. Сондықтан қандаламен күресте химия­лық жойғыш заттарды алмастыра пайда­лана отырып, бірнеше күн бойына залал­сыз­дандыру жұмыс­та­рын жүргізу керек. Сондай-ақ залал­сыз­дан­дыруды арнайы мамандарға сеніп тапсырған абзал. Біріншіден, қазір залал­сыздандырамын деу­шілер көп, ал олардың бәрі арнайы ма­ман емес. Екін­ші­ден, сақтық талап­та­рын дұрыс орын­дал­маған жағдайда, тұр­ғын­дар­дың химия­лық қоспалардан уланып қалуы ық­тимал.
Зарарсыздандыру:
Үйді залалсыздандыру жұмысын кеш­кі уақытта жүргізген жөн. Өйткені кешке өңдеуден өткізген соң, таңертең бөл­мелер­ді тазалап жуып, терезелерді ашып, жел­де­тіп алуға ыңғайлы. Химия­лық өнімдерді шкафтар мен буфеттің іргі жақ­тағы қабыр­ғаларына, үстелдердің, сөрелердің төменгі жағына жағу қажет. Едендегі саңы­лау­ларға, құбыр жүйелеріне арнайы сұйықтықты құйып, су мен газ құбырларын, пештер мен газ плиткаларын тозаңдандыру керек. Ал таңертең ыстық сумен мұқият жуып алу – шарт. Зиянды жәндіктерге қарсы күресте пайдаланып жүр­ген химиялық өнімдерді ауыстырып қолданған жөн, өйткені иіске жәндіктер үйреніп алады.
ҚР ДСМ МСЭҚК «Алматы қаласының дезинфекция станциясы» РМҚК-ң мамандары, Тынысбекова Ж.Қ. Разяпова Д.Р.