Қандай жерлерде темекі шегуге тыйым салынады?

Кейбір қоғамдық орындарда темекі шегуге тыйым салынғаны белгілі. Бірақ бұл талап сақтала бермейтін сияқты. Заң бойынша нақты қандай орындарда темекі шегуге болмайтынын айтсаңыздар.
Нариман ҚАРАБЕКОВ, Алматы қаласы
ҚР «Халық денсаулығы және ден­сау­­лық сақтау жүйесі» туралы заңының 5-бабының 159-тармағында былай делінген: «...білім беру мекемелерінде, сондай-ақ, кәмелеттік жасқа толмаған­дар­дың демалыс орнында, денсаулық сақтау мекемелерінде, қоғамдық тамақтану нысандарында, кинотеатр, театр, цирк, концерттік, көрмелік зал­дарда, спорттық кешендерде, түнгі клуб, дискотека тәрізді жалпы демалыс ошақтарында, музей, кітапхана, лекция залында, пойызда (темекі шегуге қа­рас­тырылған арнайы орындары бол­ма­са), автобуста, бағытты таксилерде темекі шегуге тыйым салынады. Со­нымен қатар, теміржол вокзалдарында, аэропорттарда, электротранспорт­тарда, мемлекеттік ұйымдардың ғима­раттарында, жұмыс кеңселерінде, үй подъездерінде темекі шегуге бол­май­ды».