Қандай жағдайда атымды өзгерте аламын?

Маған өз есімім ұнамайды. Ол – ер адамның аты. Атымды өзгерткім келеді. Әділет органдары өтінішімді қабылдай ма?
М.Т. Ақтөбе қаласы
ҚР Әділет министрлігінің мәліме­тінше, тегін, атын, әкесінің атын өзгерту үшін азаматтар жергілікті АХАЖ орга­нына хабарласып, арыздануы қажет. Төмендегі жайттар мұндай өзгертулердің дәлелді себептері бола алады:
1) тегінің, атының, әкесінің атының қолайсыз айтылуы;
2) тегінің, атының, әкесінің атының айтылу қиындығы;
3) егер некені тіркеу кезінде некеге дейінгі тегінде қалса, зайыбының ерімен ортақ тегін алғысы келуі;
4) егер некені бұзу кезінде бұл туралы өтініш берілмесе, некеге дейінгі тегін алғысы келуі;
5) кейінгі неке бұзылмайтын жағ­дайларда, бұрынғы некеден туған бала­ларымен ортақ тегін алғысы келуі;
6) егер ері қайтыс болса, некеге де­йін­гі тегін алғысы келуі;
7) егер ері қайтыс болса, ал өтініш беруші некеге дейінгі тегінде болса, балаларымен ортақ тегін алғысы келуі;
8) өтініш беруші таңдаған ұлтқа сәй­кес келетін немесе ата-аналарының бірінің (ата-аналарының ұлттары әртүрлі болған кезде) тегін немесе атын алғысы келуі;
9) өмірде шын мәнісінде қалыптас­қан, құжаттағы атынан өзгеше атты алғысы келуі;
10) егер некеге тұрған кезде ерінің тегі қабылданған болса, некеге дейінгі тегін алғысы келуі;
11) әкесінің немесе атасының аты бойынша тегін ұлттық дәстүрге сай алғы­сы келуі;
12) өтiнiш берушiнi тәрбиелеген адам­ның тегi және аты бойынша тегі мен әкесінің атын алғысы келуі.