Қандай құжаттар қажет?

Жолдасыммен Батыс Қазақстан облысына «Дипломмен – ауылға!» бағдарламасы бойынша жұмысқа баратын ойымыз бар. Қандай құжаттар қажет және оларды қайда өткізу керек?
Гүлбақыт, сайтымызға пікір қалдырған оқырман
«Дипломмен – ауылға!» бағдар­ла­ма­сы бойынша жергілікті әкімдікке неме­се «Нұр Отан» ХДП аумақтық бөлім­шесіне төмендегі құжаттарды тапсыру қажет: 1) Жеке басын куәлан­ды­ра­тын құжаттың көшірмесі; 2) Жаңа жұмыс орнының кадрлық қызметімен расталған еңбек кітапшасының көшір­ме­сі; 3) Азаматтарды тіркеу кітабының немесе сол жерде тұратынын растайтын анықтаманың көшірмесі; 4) Білімі туралы дипломның көшірмесі. Тұрғын үйді несиеге алу туралы өтініш білдіру үшін бұған сатып алу–сату шарты мен сатып алынатын үйді бағалау актісі қосы­ла­ды. Осы құжат­тар­дың негізінде ар­найы комиссияның ұсынуымен ау­дан­дық әкімдік маманға тұрғын үй алу үшін несие беру туралы қаулы шығарады. Бе­рілмейтін жағдайда маманға нақты жауап қайтарылады.