Қандай елдер Шенген аймағына кіреді?

Шенген келісімі жайлы білгім келеді. Осы келісім негізінде қанша мемлекет кедендік паспорттық тексерусіз бір-бірімен қарым-қатынас жасай алады?
Әлихан, Қызылорда қаласы
«Еуропа одағына мүше кейбір елдердің арасында кедендік пас­порт­тық тексеруді алып тастау» ту­ралы Шенген келісімі 26 мемлекетті қам­тиды. Олар: Австрия, Бельгия, Вен­грия, Греция, Дания, Германия, Ис­лан­дия, Испания, Италия, Латвия, Лит­ва, Лихтенштейн, Люксембург, Ни­дерланды, Норвегия, Мальта, Поль­ша, Португалия, Словакия, Сло­ве­ния, Финляндия, Франция, Чехия, Шве­ция, Швейцария және Эстония. Қысқа мерзімді Шенген визалары­ның қолданылу тәртібі Шенген ай­мағына кіретін барлық елдерде бір­дей. Шен­ген шартын қабылдаған мем­ле­кет­тер Шенген аймағына кіру­ге және онда қалуға рұқсат беретін ке­лесі са­наттағы бірыңғай визаларды береді: (А) визасы – ұшақ жолау­шы­ларына ға­на беріледі және әуежай­дың тран­зиттік аймақтан шығуына құқық бер­мей­ді; (С) қысқа мерзімді визасы – Шен­ген аймағына бірінші рет кір­геннен бастап алты айдың ішін­де 90 күнге дейін қалуға рұқсат бе­ре­ді; (Д) ұзақ мерзімді ұлттық ви­за­­лар Шенген шартын қабыл­да­ған бас­қа мемлекеттердің аумақ­та­ры ар­­қылы бес күн ішінде виза­сыз тран­­зит­пен жүріп өтуге рұқсат бе­­реді.  Бір мәртелік визамен Шен­ген ай­­ма­ғына визаны берген кон­сул­дық мекеменің елі арқылы ғана кіру­ге рұқсат етіледі. Мысалы, сіз ви­заны Фран­цияның консулдығы­нан алса­ңыз, онда кез келген Шен­ген еліне тек Франция арқылы бара аласыз. Шенген аймағына Ұлы­­бри­тания, Ир­ландия, Румы­ния, Болгария жә­не Кипр кірмейді.