Қалақайдан шай қайнатып, ем ретінде ішуге болады

Қалақайдың жапырағының емдік қасиеті күшті деген рас па?
Жұлдыз, Алматы қаласы
Шынында да, қалақай — денсаулыққа пайдалы шөптердің бірі. Оның ұсақ са­бақ­тарының бойында органикалық қыш­қылдар, микроэлементтер мен та­нин көп кездеседі. Мұнда лимонның құрамындағы А, С, К дәрумендерінен де көп каротин сияқ­ты асқазанға пайдалы заттар бар. Әлсіреген, тоз­ған ағзаға керекті заттардың бәрі осы қалақай шөбінің бойынан табылады. Ағ­заға күш беру үшін 150 грамм қалақай шөбін пайдаланса жетіп жатыр. Қандағы қанттың көбеюіне қарсы тұнба жасап ішуге болады: екі стақан суға екі ас қасық ұнтақталған қалақай шөбінен салып, 15 минут баяу отқа қойып қайнатып, күніне үш рет бір ас қасықтан ішеді. Бұл қаназдыққа, бауыр, өт, бүйрек қабынуына, асқазанға, суық тигенде пайдалы. Жаңа гүлдеген жас жапырақтарынан шай қайнатып, ем ретінде ішуге болады.