Қаламгердің қандай кітаптары бар?

Ақан Нұрмановтың өмірі мен шығармашылығы жайында кеңірек білгім келеді? Қандай кітаптары жарық көрген? Қай жерлерде қызмет атқарған?
Алма Өтегенова, Талдықорған қаласы
Ақан Нұрманов 1933 жылы 30 сәуірде Ал­маты облысының Ақсу ауданында туған. Одан кейін Қостанай облысы Амангелді ауданы орталығында орта мектепті бітірген.
Орта мектепті бітіргеннен кейін 1951 жылы Қазақ тау-кен институтына оқуға қабыл­данады. Әйтсе де жазушы боламын деген мақсатпен бұл оқуын орта жолдан тоқтатып, Қазақ мемлекеттік университеті филология факультетінің жур­налистика бөліміне тап­сырады. 1957 жылы осы оқу орнын журналист мамандығы бойынша бітіріп шығады.
1957-1964 жылдар аралығында Қостанай облысы Амангелді аудандық «Социалистік шаруа», Қостанай облыстық «Коммунизм таңы», республикалық «Лениншіл жас» газет­терінде қызмет істеген. 1964-1968 жылдары «Жұлдыз» журналы редак­циясының бөлім меңгерушісі болып қызмет атқарған.
«Арайлы таң», «Аққу жұлдызы», «Құлан­ның ажалы» кітаптарының авторы. Небәрі 35 жыл ғұмыр кешкен қаламгер үшін бұл қызметтер мен шығармашылық жетістіктер аз емес.