Қайың сөлі қандай ауруларға ем?

Қайың шырынының құрамы қандай заттардан тұрады? Бұл сусын қандай ауруларға ем? Оны қандай елдер өндіреді?
Жантас АТЫРАУБАЙ, Алматы қаласы
Медициналық оқулық­тар­дың мәлі­метінше, қайың шырыны құ­ра­мында илік зат­тар, эфир майлары, дәру­мендер мен микроэлементтер және 2% мөл­шерінде жеміс қанты бар. 10-нан астам ор­ганикалық қыш­қыл­дан тұратын шырынның бір гра­мының тығыз­дығы – 1,0007-1,0046 мл-ге тең. Ха­лық­тық ме­ди­цина қайың сөлін ағза­ны ны­ғайт­қыш, зәр айда­ғыш дәрі ре­тін­де қолданады. Сонымен бірге қы­шыма, темі­реткі немесе безеу пай­да бол­ған­да теріге жа­ғады. Қайың шы­рыны шаш­тың түсуін тоқ­татады. Сусын өк­пе, бүй­рек, рев­матизм ауруларына да ем бола алады. Әлемде бұл шырын­ды өндіру жөнінен Беларусь, Украина және Ресей елдері көш бас­тайды. КСРО ке­зінде бұл елдерде қайың сөлін өндірудің ұзақ жыл­дық тәжірибесі қалып­тасқан.