Менің апайым Қазақстаннан Ресей еліне тұрақты тұруға көшіп барған болатын. Ресейде зейнетақы қорынан аналық капитал алу үшін жеті жыл бұрын бес ай жасап, қайтыс болған баласының туу туралы куәлігін талап етіпті. Туу туралы құжат орнына басқа құжат қабылданбайтын көрінеді. Қайтыс болған балаға туу туралы куәлік беретін заң Ресейде бар екен. Апайымның қайтыс болған баласына куәлік алуға бола ма?
Зарина АСАДУЛЛИНА, Алматы облысы
ҚР Үкіметінің 22.05.1999 жылғы №620 қаулысымен бекітілген азаматтардың хал актілерін тіркеу тәртібі туралы ережеге сәйкес, туылғаннан кейін бала қайтыс болған жағдайда АХАЖ бөлімінде азаматтардың хал актілерін тіркеу кітабына туғаны, өлгені жайлы жазылады.
Бала қайтыс болған жағдайда АХАЖ бөлімі баланың туу туралы куәлігін алуы, не болмаса куәлікке өлгені жайлы белгі басуы мүмкін.
Қазақстанда өлген балаға туу туралы куәлікті қайта беру заңда қарастырылмаған. Мұндай жағдайда туу туралы куәлік орнына, баланың өлгені туралы аудандық АХАЖ бөлімінен анықтама беріледі.
Қайтыс болған балаға туу туралы куәлік беріле ме?
Последние статьи автора