Қайратқа өкпелілердің ісі не болды?

Әнші Қайрат Нұртастың қатысуымен өткен концерт кезіндегі тәртіпсіздікке байланысты қанша адам ұсталып, қанша адам жауапкершілікке тартылатын болды? Соны білейін деп едім.
Жанар Әлмұрзина, Алматы облысы
Алматы қаласы прокуратурасының мәліметін­ше, «Прайм Плаза» ойын-сауық орталығы алаңын­да болған бұзақылық әрекеттер бойынша қозғал­ған қылмыстық іс сотқа жолданды. Тергеу Қ.Нұр­тас қатысқан концертті ұйымдастырушы­лар­дың бел­гіленген ережелер мен қағидаларды бұзға­нын, тұлғалар тобының бұзақылық жасаға­нын, билік өкілдеріне қарсылық көрсеткенін жә­не күш көр­се­тіп, өзгенің мүлкіне зақым кел­тір­генін анықтады. Оның ішінде, алты адам қару қол­данып, қарақ­шы­лық жасаған, үш адам бұза­қы­лық жасап, біреулер­дің мәшинесін айдап әкеткен. Тәртіпсіздікке қатысы бар тағы 10-нан астам айыпталушы іс материалдарымен танысып жатыр. Өз міндетін ұйымдастыруда шалағайлық­қа жол берген «Бетта Стар» серіктестігінің бас­шы­лары да қылмыстық жауапкершілікке тарты­лып отыр. Еске салайық, бұл оқиға тамыздың 31-і күні болды. «Прайм Плаза» орталығы ал­дын­дағы концертте тобырдың әрекетінен қауіп­тен­ген әнші Қайрат Нұртастың сахнадан кетіп қалуы жаппай тәртіпсіздікті туғызды.