Дәрігер маған организмдегі йод құрамын арттыратын дәрі-дәрмектерді қабылдауға кеңес берді. Бірақ дәрі ішкеннен гөрі йодты азық-түлік өнімдері, түрлі тағамдар арқылы толықтырғым келеді. Сондықтан күнделікті тағам мәзіріне не қосқаным дұрыс?
Рауан АСЫЛХАН, Шымкент қаласы
Бұл ретте эндокринолог мамандар йодтың қайнар көзі – теңіз тағамдары екендігін айтады. Былайша айтқанда, бұл элемент уылдырық, креветка, кальмар, теңіз капустасы өнімдерінде көп шоғырланған. Ал жемістердің ішінен құрма йодқа өте бай. Сондай-ақ грек жаңғағы, қарақұмық, бас пияз бен көк пиязда да йод аз мөлшерде болса да кездеседі.
Йод жетімсіздігінің алдын алу үшін йодталған тұзды пайдаланған жөн. Тек оның құрамында йодит емес, калий йодиті болуына көңіл аударыңыз. Мұның мәнісі йодит өте тұрақсыз, температура жоғарылаған кезде дереу ұшып кетеді. Есте болатын тағы бір жайт, қалқанша без ауруының көптеген түрлері йодқа бай өнімдерді абайлап қолдануды талап етеді.
Қай тағамдарда йод көп кездеседі?
Последние статьи автора