Қай мемлекеттер жұма күні демалады?

Қырғызстан депутаттары мұсылман елі ретінде жұма күнін демалыс етіп жариялау жөнін­де мәселе көтеріпті. Жалпы, қазір қай мұсылман мемлекеттер жұма күні демалады екен?
Лезхан, Қызылорда
Мұсылман халқы жұма күнді күндердің ұлығы санайды. Сондықтан да бірқатар мұсылман ел­дерін­де осы күнді демалыс ретінде жариялаған. Мы­салы, Сауд Арабиясы, Ауғанстан және Иран мем­лекеттерінде жұма аптаның соңғы күні болып есеп­теледі. 2006 жылдың қыркүйек айынан бас­тап Бахрейн, Біріккен Араб Әмірліктері  жұма күнін аптаның соңғы және демалыс күні етіп бекіткен бола­тын. Осыдан бір жыл өткеннен кейін Кувейт те сон­дай шешім қабылдады. Жуырда Гамбия Пре­зи­денті Яйа Джамме де мұсылмандар үшін жұма намазын оқуға қолайлы жағдай жасауды көздеп, жұманы демалыс күні деп жариялады. Ендігі кезек, сіз айтып отырған, Қырғызстанға келген сияқ­ты. Қазір осы елдегі ірі партиялардың бірі, «Ар-Намыс» фракциясының өкілдерінің айтуын­ша, Ақ үйде қызмет жасайтын 200-ден астам мем­лекеттік қызметкер – намазхан. Ал Жоғарғы Ке­ңес­тегі 35 депутат, яғни депутаттардың 1/4-і жұма на­мазға қатысады екен. Бұл көрсеткіш Қырғыз­стан­дағы демалыс күнін ауыстыруға себеп бола ала ма? Оны алдағы уақыт көрсете жатар.