Қай мемлекеттер Наурызды ресми тойлайды?
Наурыз мейрамы – халықаралық мереке. Шығыс өркениетіне жататын халықтар үшін Жаңа жыл болып есептелетін бұл мереке қай мемлекеттерде ресми түрде тойланады?
Ерзат Жаманбай, Семей
Халықаралық Наурыз мейрамы кезінде жаңа жыл басталатынын Шығыс халықтарымен қатар, өзге өркениет өкілдері де мойындайды. Тіпті қазіргі қолданыстағы күнтізбеден бас тартып, алдағы уақытта әмбебап күнтізбе әзірлеуді ұсынушылар Наурыздың ерекшеліктерін естен шығармайды деп үміттенеміз. Десек те, қазірдің өзінде Наурыз мейрамын Қазақстан, Әзірбайжан, Албания, Ауғанстан, Босния және Герцеговина, Үндістан, Иран, Қырғызстан, Пәкістан, Тәжікстан, Ресей құрамындағы Татарстан, Башқұртстан сияқты мемлекеттер ресми түрде атап өтеді. Сонымен қатар Түркия, Өзбекстанда да мемлекеттік мейрамдар қатарына енгізілген.
