Пойызда жануарларды қалай алып жүруге болады?

Алматыдан Петропавлға екі мысық пен тотықұсты алып баруым керек. Жануарларды пойызбен алып жүру үшін қандай ережені білуім керек?
Әнуар ЕСБОЛАТОВ, Алматы қаласы
«Жолаушылар тасымалы» АҚ мамандарының мәліметінше, «Иттер, ұсақ үй жануарлары, құстар мен араларды тасымалдау туралы» ережеге сәйкес, ұсақ үй жануарларын, иттер мен құстарды бөлек вагонда алып жүруге рұқсат етіледі. Жолаушы купе­дегі орын санына қарай жол ақысын төлейді. Аталған санаттағы жануарлар­ды жәшіктер, себеттер, торлар мен контейнерлерге салып тасымалдау керек. Тасымалдау кезінде оларды алып жүрушілер вагондағы санитар­лық-гигиеналық тәртіпті сақтауға міндетті. Жабайы жануарлар, кеміргіш­тер мен бауырымен жорғалаушыларды тасымалдауға жауапты кәсіпорынның арнайы рұқсаты қажет. Егер соңғы атал­ғандарды пойызбен алып жүру үшін жүк вагонын қайта жарақтандыру қажет болса, оның шығынын жа­нуар­лар қожайыны немесе алып жүрушілер өтейді.