Пәтерді иесіз деп тану үшін не істеу керек?

Жеке тұрғын үйді немесе көпқабатты үй пәтерлерінің бірін иесіз деп тану қандай жағдайларда іске асырылады? Мұндайға жергілікті әкімдіктерде қандай орган жауапты? Баспананы иесіз деп тану үшін кім не істеуі керек?
Шамиға Оралбаева, Оңтүстік Қазақстан облысы
ҚР Әділет министрлігі ма­ман­дарының мәліметінше, тұр­ғын үйді иесіз деп тану жер­гі­лік­ті атқарушы органның өті­ніші бойынша жыл­жы­май­тын мүлікті мемлекеттік тіркеуге алу жөніндегі мекемемен іске асы­рылады. Азаматтық Ко­декс­тің 188-бабына сәйкес, мү­лік иесі аталған нысан иесіз деп танылатыны хабарланы­сы­мен бір жыл ішінде оны сатуға, ке­п­ілдікке қоюға не басқа адамдардың иелігіне беруге құ­қылы. ҚР «Жылжымайтын мү­лікке иелік ету мен онымен сау­да келісімін жасау құқығын мем­лекеттік тіркеу туралы» заң­ға сәйкес, мүлікке иелік етуші үшін­ші тұлға пайда болмаған ке­зеңде қожайынның бас­пананы иесіз нысандар тізімінен шы­ғару жөнінде өтініш жазуға құ­қы бар. Бірнеше жыл бойы ие­сіз тұрған пәтерлердің ке­лешек тағдырын білу үшін жер­гі­лікті әкімдікке немесе жыл­жымайтын мүлікті мемлекеттік тір­кеуге алумен айналысатын кә­сіпорынға хабарласу қажет.