Пайдаланбаған еңбек демалысына өтемақы төлене ме?

Екі жыл еңбек демалысын алған жоқпын. Осы пайдаланбаған еңбек демалысы үшiн өтемақы талап ете аламын ба? Әлде ол өтемақы тек жұмыстан шыққан кезде ғана төлене ме?
Мәнсүр ҚҰМАРХАНОВ, Шығыс Қазақстан облысы
Еңбекті нормалау және еңбекке ақы төлеу басқармасы маманының айтуынша, Қазақ­стан Республикасы Еңбек кодексінің (бұдан әрі – кодекс) 105-бабына сәйкес, қыз­меткерге жұмыс iстеген бiрiншi және келесi жылдары үшiн жыл сайынғы ақылы ең­бек демалысы тараптардың келiсiмi бойын­ша жұмыс жылының кез келген уақы­тында берiледi.
Кодекстің 106-бабына сәйкес, жұмыс жылы қызметкердiң бiрiншi жұмыс күнiнен бастап есептелген 12 айды құрайды.
Жұмыс берушімен келісім бойынша еңбек демалысы толық немесе нақты жұмыс атқар­ған уақыт үшін беріледі.
Кодекске сәйкес, қызметкерге жыл сайын­­ғы ақылы еңбек демалысының (жыл сайынғы еңбек демалыстарының) пай­да­ла­ныл­маған күндерi үшiн өтемақы төлемi еңбек шарты тоқтатылған кезде және еңбек дем­алысынан шақыртылған кезде жүр­гiзi­ледi.
Кодекстің 108-бабында еңбек дема­лы­сын қатарынан екi жыл бойы бермеуге тыйым салынады.