Өзбекстанда қанша қазақ тұрады?

Көрші Өзбекстанда халық саны қанша? Оның ішінде, қанша қазақ өмір сүріп жатыр?
Гүлсара ЖҰМАБЕКОВА, Ақтөбе облысы
2011 жылдың 1 қаңтарындағы мәлі­мет бойынша, Өзбекстан халқының саны 29 млн адамнан асты. Оның 51,4 %-ы – қала халқы, 48,6 %-ы – ауыл­дық­тар. Халықтың орташа тығыздығы  1 шаршы шақырымға 62 адамнан келіп отыр. Өзбекстан осы демог­ра­фиялық көрсеткіші жөнінен ТМД елдері арасында Ресей Федерациясы мен Украинадан кейінгі үшінші орында. Көрші елде 120 қала мен 115 қалалық елді мекен бар. Халықтың ұлттық құра­мына келсек, өзбекстандықтардың 80%-ға жуығы – өзбектер, 1 200 000-ға жуығы – орыстар, 1 166 000-ы – тәжіктер, 990 мыңдайы – қазақтар. Қара­қалпақтардың саны 500 мыңнан асады.